oraingo honetan lehen plater bat dakarkizuet. Orokorrean, edonoren etxean asko jaten den platera, patatak txorizoarekin.
- Osagaiak (4-5 pertsona):
- Patata kilo bat
- 3 txorizo
- Tipula 1
- 2 berakatz atal
- Oliba olioa
- Ura
- Kaiena
- Gatza
- Hasteko, kazola bat sutan jarriko dugu, oliba olio pixka batekin. Tipula txikitu eta olioa bero dagoenean, kazolara gehituko dugu. Berakatz atalak ere txikitu eta kazolara botako ditugu.
- Tipula eta berakatza gorritzen diren bitartean, txorizoa xerratan moztu eta kazolara gehituko dugu. Patatak, zuritu eta garbitu ondoren, txorizoarekin egin dugun bezala zatitu eta kazolara botako ditugu.
- Behin osagai guztiak kazolan, kaiena gehitu eta urez bete eta gatza botako diogu.20-25 minutuz su baxuan utzi behar da, patatak bigun geratzen diren arte. Bigun daudenean, prest izango dugu platera gozatzeko.
